أحبـــك كلمه تبكـــي معـــانيهــا على شفــــاتـــك؟
كذا زالت مواثيـق الغـلا والحـب مـن ذاتـك !!
كذا كنتي .. كذا صرتي .. كـذا خيبتـي الهقـوات
كذا .. والا كذا .. ضيعتي دروبـي وخطواتـك !!
انا مل الامـل فينـي .. يـدور للشفـاه اصـوات
عجز صوتي ينادي لك .. قضى قلبي من سواتك !!
نصيتك والوفا زادي .. رحلتي والقلـوب اشتـات
مصايب والرجا خايب .. تقود خطـاك رغباتـك !!
كبيره طعنتك هـذي .. تعودتـي علـى الطعنـات
غريبه حيل ذا المره .. ولاهـي مثـل طعناتـك !!
سألتك بالـذي خلـى عيونـك تـذرف الدمعـات
تكف الدمـع لاتجنـي علـى خديـك دمعاتـك !!
انا ما قد خبـرت انـي تعمـدت اجرحـك بالـذات
وانا ماهمني غيرك اعيش من اجـل مرضاتـك !!
سرقتك بالزمن لحظه وعشتـك بالفـراق اوقـات
ولا ادري وش بقى لي بالعمر من دون لحظاتك !!
أحبك .. رحت ادور في قواميـس البشـر كلمـات
عجزت القى حروفٍ تستريـح بصـدر كلماتـك !!
أحبك .. يا ندى فجر الجروح وصحـوة العبـرات
أحبك .. كلمةٍ تبكـي معانيهـا علـى شفاتـك !!
تظنين الوفا كلمه عجـب واصـل الوفـا وقفـات
صغير الشي في ظنـك يصيـر اكبـر معاناتـك !!
تردين الخطـا يمـي .. تزيديـن الالـم شرهـات
وانا صمت الشقا فيني حكى من كثر شرهاتـك !!
توالت كلهـا فجـأه .. تعاظـم بالحشـا صدمـات
يجي يوم وتواري شمسنا مـن ليـل صدماتـك !!
ذكرتك .. والدروب اللي تعانق خطوتـك بالسكـات
وانا ما زلت اسافر بيـن نظراتـك وضحكاتـك !!
ذكرتك .. وانطفى جمر الكـلام وذابـت الشمعـات
سهرتك واستفزيـت النجـوم بليـل خصلاتـك !!
تعالي .. واذرفي دمعك علـى قلـبٍ كثيـره مـات
تعالي .. واخذي الباقي يفيـد لوقـت عزواتـك !!
تعالـي .. لاتخليـن السنيـن المقبلـه تقـتـات
من افراحي ولحظاتي وطرباتـي .. وسبحاتـك !
!
تعالي .. وواعديني .. لاشقا .. لاكذب .. لاغلطات
ترى ما للصبر باقي على كذبـك .. وغلطاتـك !!
تغيرت ولا ادري وش جرى .. وش غير النيـات
سألتك واعتكف برد الجواب فـمعطـف آهاتـك !!
تقولين انت في راحه .. واقول من القهر هيهـات
انا لا جيـت للراحـه .. تطاردنـي مسافاتـك !!
الرئيسية 
التسجيل 
دخول 
2/20/2010, 13:02
